غيــــــــــــــــــــوض

دقـات قلبـي

دقات قلبـي من عناي أعبثت بـي

تـزود بيـن الثانيـه والدقيـقـه

راحت بـي أفكاري بعيدٍ وجت بـي

واهداب عينـي في دموعي غريقـه

أكتب وتقرا ريشة العود كتبـي

شعري سلس ينساب على السليقـه

مشاعري يا شوق يمـّك جرت بـي

من مرهف احساسي بيوتٍ رقيقـه

أحنّ وأشواق الغرام عصفت بـي

وقلبـي فراقك ساعةٍ ما يطيقـه

محبتك يـا روح روحي سطت بـي

والدمع في عيني من أجلك قريقـه

=========================

ثـورة الـخـوف

ثـارت علي همـوم نفسـي وهـاجـت

واوجست وسـط القلب خوفٍ بأثر خوف

والأرض غبرا في عيونـي وضـاقـت

معاد أقـدي بالنـظر مـدة الشـوف

كنّـي بطـوفـان والأمـواج مـاجـت

ريحـٍ أواجهّـا .. وريـحٍ بهـا خـوف

ودمـوع عينـي عاسـرتني وراجـت

يـاليتهـا رقّـت لهـالحـال وتـروف

تعثّـرت أقـدام رجلـي وداجـت

واشـوف وجه الجـو عكـرٍ وم**وف

والـنـفـس للـرحـمـن خـوفٍ تـلاجـت

رغـبه .. ورهـبه .. ساقهـا خـوف وشفـوف

=========================

سـاعـة وداعـك

يـامن وداعه كنّه موادع الروح

لو هو بكيفي عنك ما اروح ساعه

ساعة وداعك دمع الأعيان مسفوح

منك وعليك من المحاجر ضياعـه

الحب يجبر يا حبيبـي على البوح

والشوق يفقد في القلوب المناعه

ألعي كما تلعي الحمامه على الدوح

ولا ألوم قلبٍ ما ضرى بالقطاعـه

سافرت قلبـي بين الأضلاع مجروح

يـا غـاليٍ لرضاه سـمـعٍ وطاعـه

إن غبت انشفت عيوني على النوح

مـن حيث والله ما تحمـل وداعـه

=========================

ثـورة الـخـوف

ثـارت علي همـوم نفسـي وهـاجـت

واوجست وسـط القلب خوفٍ بأثر خوف

والأرض غبرا في عيونـي وضـاقـت

معاد أقـدي بالنـظر مـدة الشـوف

كنّـي بطـوفـان والأمـواج مـاجـت

ريحـٍ أواجهّـا .. وريـحٍ بهـا خـوف

ودمـوع عينـي عاسـرتني وراجـت

يـاليتهـا رقّـت لهـالحـال وتـروف

تعثّـرت أقـدام رجلـي وداجـت

واشـوف وجه الجـو عكـرٍ وم**وف

والـنـفـس للـرحـمـن خـوفٍ تـلاجـت

رغـبه .. ورهـبه .. ساقهـا خـوف وشفـوف

=========================

اشتقت لك

اشتقت لك حيل يالغالي عسى الليالي يجيبنـك

واستر بك يا بعد حالي حيث ان ظني على ظنك

إنت الذي بس يحلالـي أغليك يالزين وأحنـك

إن غبت ما يهتني بالي أخشى الليالي يهدنـك

عني وأنا أصبر بالتالي محروم منك ومن فنـك

اغليك يا الطيب الغالـي عسى المنايـا يعافنـك

اغليك بقفاي وقبالـي عواطفي لـك يطيعنـك

لو تطلب العين والمالي لا قول خذهن ويفدنـك

=========================

يا حبّنيلك

يا حبّنيلك دون كل المخاليق
ياللي تساوي كل شيء بحياتي
لا شفت زولك ينجلي عني الضيق
وإن غبت عن عيني تزيد عبراتي
دايم عيوني من فراقك غواريق
وطلعتك ترسم بسمتي في شفاتي
الحب مفتاح القفول المغاليق
وحبك دواي وفرحتي يا غناتي
أغليك وإن لي بلشه فيك بالريق
يا منوتي دايم محقق مناتي
غلاك ساقه رامعي في المعاليق
ولولاه عيني ما تعدت وطاتي

=========================

وين انت

وين انت قبل اللي مضى من سنيني
يا مسعدٍ باقي حياتي بالأفراح
ما قول قبلك في حياتي ضنيني
ولا نيب مع غيرك من الناس مرتاح
حتى فرحك ارهب شقاي الدفينِ
ومنك السعادة بدّدت هاك الأشباح
يا غاليٍ قرة بلاماك عيني
حبي وحبك من سبب ربط الأرواح
كأس الهنا تو أقضبنّه ايديني
وأروى ظمأ وقتي هذاك الذي راح
والله ما لك في حياتي وزينِ
برق الفرح قبلك على العين ما لاح

=========================

لو بكيت

لــو بكـيـت دمــوع عينــي ما تفيـد
وإن شكيت الشكوى ما فيها مسد
كــل يـــوم يــذوب في قلبي وريــد
أتـصبــّــر مـيـر مــــا عـنـدي جـلـــد
نــار شوقي لك يـذوب لها الـحـديـد
وانـتـثـر دمـعـي علـى خـدي بـــدد
دايـمٍ يـا شـوق شـوقي لك جـديـد
وإن سـألـت الـعيـن لك فيهـا مـــرد
دمعتـي تـنبيــك عـن حـبٍ أكـيــــد
غيــرها يـا روح روحـي وش بـعـــــد
كــان قلـبــي قبل عرفي لك عنيــد
ما يـحـن ولا رمــع غيـرك لأحــــــــد
ليــن طوّعتـه بحبــك يــا وحــيــــــد
والـمحــب يـطيــع محبــوبـه وحــــد
يا حبيبــي غيــر شوفك لا ما اريــــد
دوكـ طـرفــي طايـر فيـه الــسّهـــــد
يا حبـيبــي فيـك يـا حلــو القـصيتــد
لو كتبت الشعر في غيــرك شـــــرد
أتـغنّــى فيــك بأشــواقي نـشيـــــد
بأصدق اللـــي قيــل مــن بنـت بولـد

=========================

الشاعرة : مها السديري ( غيوض )

يسلموووووووووووووووووووووووووو على النقل الرائع

دائما ذا ذوق رفيع فى الاختيار والطرح

ننتظر المزيد

تقبل المرور

روووووووووووووووعه

صح لسان الشاعره غيوض

يعطيك الف عافيه

دمت بود